О́tken ǵasyrda elimizdiń astanasy bolǵan iri ekonomıkalyq, mádenı ortalyq Almaty shaharyn aýyldaǵy ár jas qııalyndaǵy aqqýly kóldeı ańsap, oǵan jetkenshe asyǵatyn. 1978 jyly aýyldan bilim qýǵan elý jas Qazaq memlekettik ýnıversıteti Jýrnalıstıka fakýltetiniń stýdenti atandy. Joǵary jáne arnaýly orta bilim ordalary shoǵyrlanǵan Almaty qalasy men sýdenttik kez árkim úshin jastyq shaǵynyń balamasyna aınaldy. Jalpy HH ǵasyr qazaq úshin ár pendeniń basynan ótetin, ómiriniń bazarly kezeńi – jastyq dáýrenniń júırik at minip, qyran búrkit ustaǵan seri jigit pen úkili qyzdyń ajary men qylyǵy kóz aldyńa kele qalatyn qalyptasqan maǵynasyn stýdenttik shaq uǵymymen baıyta, keńeıte túskendeı edi. Bilim alýǵa, «talaptyń tulparyn minip», naızaǵaıdaı jarqyldaýǵa, ómirde sulýlyqty, dostyqty, mahabbatty tushynýǵa da múmkindik jasaǵan tutam ǵana 4-5 jyl taý bulaǵyndaı tazalyǵymen, ańǵaldyqqa toly qyzyǵymen de baılyqtyń aralyndaı bolatyn.
«Ol kúnder súısek qulaı súıetin, senissek qaltqysyz senisetin, dostarymyzdyń qateligin keshsek te, satqyndyǵyn keshpeıtin erekshe ýaqyt edi. Sebebi jas edik, jastyq shaqta dostyq sezimi bárinen de joǵary qoıylady. Sebebi bárimiz de teń edik. Baýyrjan Omaruly jazǵandaı, «abyroı-bedelderimiz birkelki, mártebemiz birdeı» edi. «Aman júrse keıingi kil myqtylar, mol tabysqa tolady ýystary. Ázirshe qarapaıym tirlik qylar, Ázirshe týys bári» dep Ertaı aqyn Ashyqbaev meńzegen áleýmettik tepe-teńdik kózdiń qarashyǵyndaı kúzetiletin» dep jazady kitapta kýrstasymyz, belgili tarıhshy ǵalym Maqsat Táj-Murat. Jýrnalıstıka fakýltetin 1983 jyly bitirgen, armany men taýdaı talaby keıingi ǵumyryna kúmis tindeı tartylǵan túlekter estelikteri men maqalalaryna osylaı dostyqty, tazalyqty arqaý etedi. Bári de jastyq shaqqa degen saǵynyshymen qatar, ómirdegi qol jetken jetistigi men shyqqan bıigin adal, rııasyz dostyqty, appaq sezimdi bastan keshirtken jastyqtyń syıy dep biledi.
«...kóp jyl ótti. Almatymdy qaıtyp ber!» kitabyn bir kýrstyń «ózi úshin» shyǵarǵan dúnıesi deýge qınalasyń. Kitap qaı zamanda da tapshylyǵy aıtyla júretin adaldyq, tazalyq, dostyq týraly oı salýǵa tyrysady. Bul fánıden erte ketip, ár kýstastyń kóńilinde jas beıne kúıinde qalyp qoıǵan 13 kýstas pen ustazdarǵa degen ımanǵa, qurmetke toly saǵynyshty joldar da tolqytary ras. Basqasyn bylaı qoıǵanda, Maqsat Táj-Murattyń «Dos kerek» degen maqalasyndaǵy dostyq týraly tolǵanysynan búgingi oqyrmannyń alar ǵıbraty az bolmas edi. Bir qyzyǵy, kitapta dostyq týraly aıtylyp ǵana qoımaıdy, dostyń rııasyz qalpy is júzinde kórindi. Kýrstyń bes jyl boıy starostasy bolǵan, belgili jýrnalıst ári qoǵam qaıratkeri О́lmeshan Bolatbekov osy kitapty óziniń jeke qarjysyna shyǵaryp, kýrstastaryna taratyp berdi. Jastyq pen dostyqtyń syıy, mine osyndaı eken-aý.
Názıra JÁRIMBET,
«Egemen Qazaqstan»
QOSTANAI
